Xongkong namayishchiliri bilen hökümet otturisidiki söhbet netijisiz axirlashti

Muxbirimiz méhriban
2014-10-21
Share

21-Öktebir seyshenbe küni ötküzülgen xongkong namayishchiliri bilen hökümet otturisidiki söhbet 2 sa'et dawamlashqan bolup, xelq'ara metbu'atlarda söhbetning netijisiz axirlashqanliqi ilgiri sürülmekte.

Xitayning hökümet xewerliride xongkong yerlik hökümitining namayishchi oqughuchilar bilen ötküzgen söhbette "Prinsipal mesililerde oxshimighan qarash mewjut bolsimu, lékin ikki terep söhbitide ortaq nuqtilar barliqqa kelgen" liki tekitlendi. Emma namayishchi oqughuchilar wekilliri xelq'ara metbu'atlargha bergen bayanatida "Seyshenbe küni ötküzülgen söhbettin ümidsizlen'genliki"ni bildürgen.

Radi'oyimizning xongkongdin bergen xewiridin melum bolushiche, söhbettin kéyin xongkongdiki namayishchi oqughuchilar wekili muxbirlargha bayanat bérip, ular otturigha qoyghan tekliplerni da'iriler qobul qilmighachqa, söhbetning netijisiz ayaghlashqanliqini bildürüp, oqughuchilarning namayishni yene dawamlashturushni qarar qilghanliqini élan qilghan.

21-Öktebir küni xongkong namayishi 24-künige qedem qoyghan bolup, namayishning tereqqiyati we xongkong weziyiti yenila xelq'araning diqqet nuqtisi bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet