Хоңкоңлуқ оқуғучилар давамлиқ намайиш қилиш-қилмаслиқни биләт ташлап қарар қилиду

Мухбиримиз әркин
2014-10-24
Елхәт
Пикир
Share
Принт

Хоңкоңдики демократик намайишчилар йәкшәнбә күни омум хәлқ биләт ташлап, давамлиқ коча намайиши қилиш яки намайишни тохтитип, хоңкоң һөкүмитиниң сөһбәт өткүзүш тәклипини қобул қилиш-қилмаслиқни қарар қилиду.

Бирләшмә агентлиқиниң хәвәр қилишичә, хоңкоңдики бу қетимлиқ оқуғучилар наразилиқ намайишини уюштурған 3 асаслиқ гуруһ пәйшәнбә күни хоңкоң шәһәр мәркизидики асаслиқ намайиш мәйданида хәлқниң пикрини алидиғанлиқини билдүргән.

Хоңкоң һөкүмити намайишчилар билән сөһбәт өткүзүшкә һәм бейҗиң мәркизи һөкүмитигә доклат йоллап, намайишчиларниң хоңкоң рәһбәрлик сайлимиға қатнишидиған намзатларни бейҗиң һөкүмити бәлгиләп бәргән 1200 кишилик комитет талаш пиланидин нарази икәнликини йәткүзүшкә қошулған иди.

Хоңкоңдики намайишни уюштурған 3 асаслиқ гуруһниң бири- хоңкоң оқуғучилар уюшмиси хоңкоң валий мәһкимисиниң тәклипини рәт қилған болсиму, бирақ йәнила йәкшәнбә күни хәлқниң бу мәсилидики пикрини алидиғанлиқини елан қилған.

Сабиқ хоңкоң валиси доң җйәнхуа җүмә күни оқуғучиларни намайишни ахирлаштуруп, өйигә қайтип кетишкә чақирған. Намайишчилар 2017‏-йили хоңкоң валисини әркин сайлам арқилиқ сайлашни тәләп қилип, бейҗиң һөкүмитиниң намзатларни контрол қилишиға қарши турған.

Пикирләр (0)
Share
Толуқ бәт