Xongkongluq oqughuchilar dawamliq namayish qilish-qilmasliqni bilet tashlap qarar qilidu

Muxbirimiz erkin
2014-10-24
Share

Xongkongdiki démokratik namayishchilar yekshenbe küni omum xelq bilet tashlap, dawamliq kocha namayishi qilish yaki namayishni toxtitip, xongkong hökümitining söhbet ötküzüsh teklipini qobul qilish-qilmasliqni qarar qilidu.

Birleshme agéntliqining xewer qilishiche, xongkongdiki bu qétimliq oqughuchilar naraziliq namayishini uyushturghan 3 asasliq guruh peyshenbe küni xongkong sheher merkizidiki asasliq namayish meydanida xelqning pikrini alidighanliqini bildürgen.

Xongkong hökümiti namayishchilar bilen söhbet ötküzüshke hem béyjing merkizi hökümitige doklat yollap, namayishchilarning xongkong rehberlik saylimigha qatnishidighan namzatlarni béyjing hökümiti belgilep bergen 1200 kishilik komitét talash pilanidin narazi ikenlikini yetküzüshke qoshulghan idi.

Xongkongdiki namayishni uyushturghan 3 asasliq guruhning biri- xongkong oqughuchilar uyushmisi xongkong waliy mehkimisining teklipini ret qilghan bolsimu, biraq yenila yekshenbe küni xelqning bu mesilidiki pikrini alidighanliqini élan qilghan.

Sabiq xongkong walisi dong jyenxu'a jüme küni oqughuchilarni namayishni axirlashturup, öyige qaytip kétishke chaqirghan. Namayishchilar 2017‏-yili xongkong walisini erkin saylam arqiliq saylashni telep qilip, béyjing hökümitining namzatlarni kontrol qilishigha qarshi turghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet