Xongkongluq xu'ang teyying “9-Féwral zorawanliq weqesi” ni teshkillesh bilen eyiblendi

Muxbirimiz méhriban
2016.02.23
Share on WhatsApp
Share on WhatsApp

23-Féwral küni xongkong saqchi da'iriliri xongkongdiki ammiwi teshkilat “Yerlik démokratiye awan'gartliri” teshkilatining qurghuchisi xu'ang teyyingni 9-féwral xongkongning jyulung rayoni wangjyaw bazirida yüz bergen yaymikeshler bilen saqchilar toqunushida zorawanliq weqesige qutratquluq qilghan dep eyiblidi.

Da'iriler xu'ang teyyingni uning üstidin 3-ayning 22-künidiki 2-qétimliq sot échilghan'gha qeder 100 ming xongkong puli hésabigha kapaletke qoyup bergenlikini élan qilip, bu mezgilde uning chégradin chiqmasliqini, weqe yüz bergen wang jyaw tewesige kirmeslikini agahlandurghan.

Bu yil emdila 22yashqa kirgen xu'ang teyying bu yil 2-ayning béshida féysbok qatarliq ijtima'iy taratqularda “Yerlik démokratiye awan'gartliri” teshkilati namida uchur yollap, xongkong puqralirini hökümetning kinishkisiz yaymikeshlerni cheklesh buyruqigha naraziliq bildürüshke chaqiriq qilghan. En'gliye b b s agéntliqining xewiridin melum bolushiche, xu'ang teyying 2014-yili xongkongda yüz bergen “Künlük inqilabi namayishi”ni teshkilligüchi yashlardin biri. “Künlük inqilabi”din kéyin xu'ang teyying eyni chaghda namayishqa qatnashqan dostliri bilen birlikte “Yerlik démokratiye awan'gartliri” teshkilatini qurghan. Xongkongdiki béyjing hökümitige mayil taratqular xu'ang teyying qurghan teshkilatni “Xongkong musteqilliqini teshebbus qilghuchilar” dep teripligen.

9-Féwral xitayning chaghan künide xongkungning jyulung rayoni wang jyaw bazirida yémeklik satidighan yaymikeshler bilen wezipe ijra qilghili kelgen bazar bashqurush xadimliri otturisida yüz bergen jidelge yaymikeshlerni qollash üchün kelgen puqralar ariliship, 9-féwral toqunushi yüz bergen. Xongkong da'iriliri weqeni zorawanliq weqesi dep élan qilip, 72 ademni tutqun qilghan. Tutqunlardin 46 nepiri zorawanliq jinayiti bilen eyiblen'gen. 9-Féwral naraziliq herikitini teshkilligüchi xu'ang teyying namayishtin kéyin möküp yürgen bolup, 21-féwral yekshenbe küni xongkong saqchiliri teripidin tutulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.