Minglighan xongkongluq xongkonggha toluq démokratiye telep qildi

Muxbirimiz jüme
2015-07-01
Share

1-Iyul, yeni xongkong xitaygha qayturup bérilgen xatire küni minglighan xongkongluq namayish qilip, xongkonggha toluq démokratiye telep qildi we xongkong waliysini istépa bérishke chaqirdi.

Bezi namayishchilar xongkong musteqilliqini telep qilip "Xongkong bir dölet" dégendek sho'arlar yézilghan plakatlarni kötürüshken bolsa, bezliri xongkongning britanye dewrge tewe bayriqini lepilditishni.

Namayishchilarning yene köpinchisi "Xongkong künlük herikiti" ning simwoli bolghan sériq künlüklerni kötürüshken idi.

Namayishchilar bultur küzde bir nechche awwal dawam qilip ayaghlashqan künük herikitining téxi tügimigenliki, heriket közligen meqsetke yetmigechke yene dawam qilidighanliqini bildürdi.

Namayishchilar rehbiri joshwa wong: "Liyang jénying textni boshat", "Shehirimizning kelgüsini qolimizgha élip, démokratik xongkong qurup chiqayli" dep warqiridi.

Bu qétimliq namayish xitay we xongkong rehberliri xongkongning xitaygha ötküzüp bérilgenlikini xatirilep bayraq chiqiriwatqan mezgilde élip bérildi.

Büyük britanye 1997-yili 1-iyul xongkongni xitaygha qayturup bergen. Xitay eyni chaghda atalmish "Bir dölette ikki xil tuzum bolush" siyasitini tonushturup, xongkongning esldiki démokratik tüzümni özgertmeydighanliqini wede qilghan. Halbuki shuningdin kéyin xongkong démokratiyesi bara-bara keynige chékinip, xongkongluqlarni endishige salghan.

Ötken yili séntebirdin bashlap nechche onming xongkongluq namayishchi kochilarni igilep 25-noyabirghiche namayish qilghan, emma namayish netijide qazinalmighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet