Xongkong uniwérsitét oqughuchiliri uniwérsitét da'irilirining pikir erkinliki cheklimisini tenqid qildi

Muxbirimiz irade
2017-09-07
Élxet
Pikir
Share
Print

Firansiye agéntliqining xewer qilishiche, xongkongdiki xitay uniwérsitéti oqughuchiliri uniwérsitét da'irilirining pikir erkinlikini chekligenlikini ilgiri sürüp naraziliq bildürgen.

Düshenbe küni, uniwérsitét ichige namelum birliri teripidin "Xongkong musteqilliqi" dégen xet yézilghan bir parche yoghan teshwiqat qeghizi ésip qoyulghan emma bu qeghez uzun ötmeyla uniwérsitét da'iriliri teripidin éliwétilgen.

Arqidin seyshenbe küni, uniwérsitét oqughuchi ishliri ishxanisi oqughuchilar uyushmisining féyisbuktiki sehipisi arqiliq oqughuchilarni agahlandurup, musteqilchi köz qarashlarning xongkong qanunlirigha xilapliqini we yuqiridikidek "Uyghun bolmighan" nersilerning derhal élip tashlinidighanliqini bildürgen.

Weqe, xongkongluq oqughuchilar arisida xongkongda béyjing hökümitining tesirining küchiyishi heqqidiki endishilerni téximu kücheytiwetken.

Oqughuchilar uyushmisi buninggha qarshi élan qilghan bayanatida xongkong asasiy qanunida pikir erkinliki mewjutluqini eskertip turup, mektepning bu herikitidin qattiq epsuslan'ghanliqini bildürgen.

Ular bayanatida yene, xongkong xitay uniwérsitéti oqughuchilar uyushmisining mektep ichide pikir erkinlikini we aptonomiyeni kapaletke ige qilish üchün pütün küchi bilen tirishidighanliqini eskertken.

Xongkongdiki ma'arip uniwérsitéti oqughuchilar uyushmisimu bayanat élan qilip, xongkong xitay uniwérsitétining herikitini tenqid qilghan.

Emma shuning bilen birge, peyshenbe küni kimlikini ashkarilimighan bir oqughuchi xongkong musteqilliqigha qarshi bir teshwiqat wariqini ésip, xongkong dégen xitayning ayrilmas bir qismi, dep warqirighan.

Xongkongdiki uniwérsitét oqughuchiliri 2014-bashlighan "Künlük herikiti" meghlup qilin'ghandin kéyin, nöwette xongkongdiki uniwérsitétlarning tirkishish merkizi bolup qalghanliqi mölcherlenmekte.

Toluq bet