Amérika dölet mejlis ezaliri xongkongda erkinlik, démokratiyini qoghdash heqqide qanun layihesi sundi

Muxbirimiz erkin
2014-11-14
Share

Amérika dölet mejlisining ikki jumhuriyetchi, démokratik palata ezasi jüme küni "Xongkongda erkinlik-démokratiyeni qoghdash qanun layihesi" sunup, xongkongning erkinliki tehditke uchrawatqanliqini, amérika hökümitining xongkongda erkinlik, démokratiyeni qoghdishini telep qilghan.

Qanun  layihesini démokratik kéngesh palata ezasi sherod browén bilen jumhuriyetchi awam palata ezasi kristofér smis teyyarlighan. Mezkur qanun  layiheside burunqi "Amérika-xongkong siyaset qanuni" gha tüzitish kirgüzülüp, xitayning xongkonggha bergen wedisige emel qilghan -qilmaywatqanliqini nazaret qilish, bu toghruluq her yili doklat élan qilish telep qilin'ghan.

Kéngesh palata ezasi sherod browén qanun layihesi heqqide toxtilip, xongkongning aptonomiye, erkinliki béyjingning tehditige uchrawatidu. Shunga, qanun chiqirip, xongkong xelqining aptonomiye we erkinlikige kapaletlik qilish kérek, dégen.

Amérika 1992‏- yili "Xongkong siyaset qanuni" chiqirip, xongkong aptonomiyesini we bir dölette ikki xil tüzümni qollighan. Awam palata ezasi kristofér smis, xongkong aptonomiyesi yéqinqi yillardin buyan dawamliq tosqunluqqa uchrap keldi. Bu, dunyadiki herqandaq yéridiki erkinlikni söyidighan kishilerning diqqitini qozghaydu, dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet