Xongkongning bir kochisidiki namayishchilar tarqaqlashturulghan, namayish sheherning bashqa jaylirida izchil dawam qilghan

Muxbirimiz jüme
2014-11-26
Share

Xongkong da'iriliri charshenbe küni démokratiye namayishchilirining rehberlirini tutqun qilip, sheherning iqtisadiy merkizini ikki aygha yéqin qorshap yatqan namayishchilarni tarqaqlashturghan. Halbuki, namayish sheherning bashqa jaylirida izchil dawam qilghan.

Da'iriler tazilash jeryanida namayish yétekchiliridin jashuwa wong we léstér shom qatarliq ikkiylenni qolgha alghan.

Saqchilar 3 sa'etke hepiliship namayishchilarni chong yoldin tazilighan, qatnash rawanlashturulghan.

Köpinchisi oqughuchilardin terkib tapqan namayishchilar bu yil séntebirning axiridin bashlap xongkong rayon bashliqini erkin saylash we xongkong démokratiyesini eslige keltürüshni telep qilip namayish ötküzgen we sheher merkezliride chédir qurup küch körsitishini dawamlashturghan.

Halbuki, xitay hökümitining qattiq qollishigha érishken xongkong rayon bashliqi lyang jénying namayishchilarning teleplirige qulaq salmighan idi.

Charshenbe küni mongkok rayonida élip bérilghan tazilashta hökümet terep üstünlükni igiligen bolsimu, namayishchilar özlirining bashqiche pilani barliqini, namayishni adaqqiche dawam qilidighanliqini bildürüshken.

Sheherning bashqa rayonlirida namayishchilar yenila kochilarni igilep yétishni dawamlashturghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet