Хоңкоңда мустәбитликкә қарши намайиш болди

Мухбиримиз үмидвар
2017-12-04
Елхәт
Пикир
Share
Принт

Йәкшәнбә күни хоңкоңда бир қанчә миң киши намайиш өткүзүп, хитай компартийәси һакимийитиниң сияситигә қарши наразилиқ билдүргән. Радиомиз гуаңдуң бөлүминиң игилишичә, хоңкоңдики сотсиял демократлар бирләшмиси, демократийини һимайә қилидиған «хоңкоң дәмосисто» партийәси, демократлар партийәси, пуқралар партийәси қатарлиқ бир қисим партийә-гуруһлар вә аммиви тәшкилатлар «мустәбит һакимийәткә қарши туруш» шоари астида намайиш өткүзгән болуп, уларниң түп мәқсити сиясий зәрбә беришкә қарши туруштин ибарәттур. Намайишчилар хоңкоңда йеқинқи йилларда пуқраларниң наразилиқ паалийәтлиригә қатнашқанлиқи үчүн түрмигә ташланған вә яки тәқибләшкә учриған сиясий җинайәтчиләрни қоллаш һәм уларға ярдәм көрситиш, бу арқилиқ хитай компартийәсиниң мустәбит һакимийитигә наразилиқ билдүрүш қатарлиқларни мәқсәт қилған

Намайишчиларниң адәм сани көпәйгәндә икки миңдин ашқан болуп, улар коча айланғандин кейин, хоңкоң сот мәһкимиси алдида топлишип наразилиқ билдүргән вә улар «сиясий контроллуққа қарши туримиз» дегәндәк шоарларни товлиған һәмдә хоңкоң әдлийә идариси башлиқи йүән гочяңни вәзиписидин истипаһ беришкә чақирған.

Пикирләр (0)
Share
Толуқ бәт