Xoten ayrudurumidiki "Milyon adem qétim" liq yoluchilar kimler?

Muxbirimiz eziz
2021-01-05
Share

"Shinjang géziti" ning 4-yanwardiki xewiride éytilishiche, 2020-yili ichide xoten ayrudurumi jem'i bir milyon adem qétimdin artuq yoluchigha xizmet qilghan bolup qeshqer, aqsu we korla ayrudumliridin kéyin milyon adem qétimliq mulazimet ötkilini bösüp ötken yene bir ayrudurum bolup qalghan.

Xewerde éytilishiche, xoten ayrudurumida rayon ichi we sirtigha qarita künige 22 nöwet ayrupilan qatnaydighan bolup, künlük yoluchi toshush miqdari töt minggha yéqinlashqan.

Emma xoten rayoni bilen yaxshi tonushluq bolghan analizchilar bu heqte pikir qilip; "Uyghurlar bir mehellidin yene bir mehellige bérish üchün yol xéti élishi lazim boluwatqanda bunche köp Uyghurning ayropilanda méngishi mumkin emes. Shübhisizki bularning hemmisi xoten rayonigha 'altun chayqash' üchün kéliwatqan we kétiwatqan xitay xojayinlardur" dédi. Yene beziler bolsa ötken yili xoten rayonidin minglap Uyghur yashlirining tajsiman wirusi eng yamrighan xitay ölkilirige ayrupilanliq yötkelgenlikini eskertip "Milyonlarche sandiki bu yoluchilar arisida qanchilik Uyghur ishlemchilerning mejburiy emgek üchün yötkiliwatqanliqigha birnerse dégili bolmaydu" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet