Хотән вилайитидә йәнә 327 нәпәр кадир бир тәрәп қилинған

Мухбиримиз ирадә
2017-04-20
Share

Хотән гезитиниң чаршәнбә күнидики хәвиридин қариғанда, хотән вилайитидә йәнә 327 нәпәр кадирниң мәсулийити сүрүштүрүлүп бир тәрәп қилинған. Хәвәрдә, юқиридики бу кадирларниң хизмәт истилида мәсилә барлиқи, хизмитидә сахтипәзлик қилғанлиқи, қанунға вә партийә интизамиға хилаплиқ қилғанлиқи илгири сүрүлгән болуп, бу тәкшүрүш хизмити хотән вилайәтлик муқимлиқ хизмитини тәкшүрүш һәйити йетәкчиликидики бир гуруппа тәрипидин елип берилған икән.

Чәтәлләрдики уйғур көзәткүчиләр бу нуқтини нәзәрдә тутқанда юқиридики бу кадирларниң асасән уйғур елиниң муқимлиқ хизмәтлирини ишләштики позитсийиси сәвәблик бир тәрәп қилинғанлиқини билдүрмәктә.

Хотән вилайити техи бу һәптиниң бешидила 14 кадирни муқимлиқни сақлаш хизмитидә актип болмиди дегән сәвәб билән хизмитидин қалдуруп қанун органлириниң бир тәрәп қилишиға тапшуруп бәргән. Бу айниң бешида йәнә 97 нәпәр кадирниму охшаш сәвәб билән әйибләп, уларниң тизимликини елан қилған иди.

Чен чүәнго уйғур елигә кәлгәндин буян партийәлик кадирлар ичидин "иккийүзлимичи" шәхсләрни тепиш һәққидики чақириқиға асасән йүргүзүлүватқан бу сиясәтләр көзәткүчиләрниң диққитини қозғимақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт