Xitay armiyesi xotenning ladaq bilen tutushidighan chégrasida keng kölemlik herbiy manéwir élip barghan

Muxbirimiz erkin
2020-06-08
Share

Xitay armiyesi yéqinda Uyghur aptonom rayonining ladaq bilen tutushidighan chégrasida keng kölemlik herbiy manéwir élip barghan.

Mezkur manéwir xitay chégra qisimliri bilen hindistan chégra qisimliri ladaqning péngong köli etrapida bir-birige musht we tash étip toqunushqandin kéyinla ötküzülgen. “Hindistan waqti” gézitining xewer qilishiche, manéwirgha xitay armiyesining minglarche parashutchi eskerliri we broniwékliri qatnashqan. Xitay taratqulirining xewerliride maniwérning konkrét qeyerde ötküzülgenliki tilgha élinmighan, lékin bu maniwérning hindistan'ghha bérilgen signal ikenliki ilgiri sürülgen.

“Hindistan waqti” gézitining bildürüshiche, xitay da'iriliri ayropilan, arqa sep transport qanili we tömüryol arqiliq xitayning xubéy ölkiside turushluq parashutchi qisimlirini gherbiy-shimaldiki orni ashkarilanmighan mezkur orun'gha yötkigen. Buning aldida xitayning xoten we gargunsadiki hawa armiye bazilirigha 10-12 dek j-7, j-11 tipliq urush ayropilani orunlashturghanliqi, bu ayropilanlarning ladaq chégrasida uchush élip barghanliqi ilgiri sürülgen idi.

Xitay özining parashutchi qisimlirini ikki terep herbiy emeldarliri ladaq chégrasida söhbet ötküzgen mezgilde yötkigen. “Hindistan waqti” gézitining bildürüshiche, 6-iyun küni hindistan armiyesining ladaqtiki 14-korpusining qomandani général harender sing bilen jenubiy shinjang herbiy rayonining qomandani lyu lin bashchiliqidiki herbiy wekiller ömiki ladaq chégrasining xitay armiyesi kontrol qilip turghan teripide söhbet ötküzgen, lékin söbette héchqandaq netije hasil bolmighan. Xitay aqsaychinni 1962-yili partlighan hindistan-xitay chégra toqunushidin béri kontrol qilip kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet