Uyghur élining xoten wilayiti teweside 3.8 Bal yer tewrigen
Muxbirimiz jüme
2016.04.23
2016.04.23
23 - Aprél Uyghur élining xoten wilayiti niye nahiyisi teweside 3.8 Bal yer tewrigen. “Xitay xewerler tori”ning bildürüshiche, yer tewresh shu küni sa'et 12 din 13 minut ötkende körülgen. Yer tewresh chongqurluqi 5 ming métir etrapida bolghan.
Xotende bultur 2 - iyuldimu 6.5 Bal yer tewrigen. Shu qétimliq tewreshte 4 adem ölüp, 70 tin artuq adem yarilan'ghanliqi xewer qilin'ghan.
Eyni chaghdiki yer tewresh merkizi xoten shehiridin 15 kilométir yiraqliqta, yeni guma nahiyesi teweside bolghan.
Da'iriler biwasite iqtisadiy ziyanning kem dégende 30 milyon dollargha yétidighanliqini bildürgen idi.
Halbuki, xitay xewerliride 23 - april xotende körulgen yer tewresh hadisisi heqqide héchqandaq tepsiliy melumat bérilmigen.