Xoten wilayiti "Ikki yüzlimichilerni tartip chiqirish" boyiche milyon kishilik kadir we ammini seperwer qilish yighini achqan

Muxbirimiz qutlan
2017-08-13
Share

Xoten wilayitige qarashliq yerlik hökümet torliridin ashkarilinishiche, 8-ayning 11-küni xoten wilayetlik partkom "Ikki yüzlimichilerni tartip chiqirish, chiwin we gézendilerni tazilash, istil tüzitip intizamni saqlash" dégen namda wilayet boyiche milyon kishilik kadir we ammini seperwer qilish yighini achqan.

Yighin'gha xoten wilayitining partkom, memuriy mehkime, xelq qurultiyi, siyasiy kéngesh, ottura sot we teptish mehkimisidiki mes'ul kadirlarning hemmisi qatnashturulghan.

Xewerde déyilishiche, bu yéqindin buyan xoten wilayitide "Muqimliq" boyiche échilghan eng chong yighinlarning biri iken. Shu küni xoten wilayitige qarashliq herqaysi nahiyilermu birla waqitta öz tewesidiki emeldarlarni yighip shöbe yighin meydani teshkil qilghan iken.

Yighinda xoten wilayetlik partkomning sékrétari nyu shöshing söz qilip, "Milyon kishilik bu heriket birinchidin, muqimliqning éhtiyajidin bolsa, ikkinchidin, emeliy ünüm yaritish zörüriyiti boldi," dégen.

Közetküchiler, xoten wilayiti qozghighan bu heriketning Uyghur diyari boyiche siyasiy jehettin eng sezgür rayon hésablan'ghan xotende yene bir qétim chong "Tazilash" élip bérilidighanliqining béshariti ikenlikini texmin qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.