Хуавейниң бир әмәлдари хуавейниң "уйғурлардин сигнал бәргүч" ясап чиққанлиқини билгәндин кейин хизмитидин истепа бәргән

Мухбиримиз җәвлан
2021-02-02
Share

"вашингтон почтиси гезити" ниң 1-феврал хәвәр қилишичә, хитайниң әң чоң техника ширкәтлиридин бири болған хуавей, аз санлиқ милләт адәмлирини из қоғлап тәкшүрәләйдиған "уйғурлардин сигнал бәргүч" ишләпчиқарғандин кейин, хуавей ширкитиниң данийәдә турушлуқ бөлүминиң алақә ишлириға мәсул муавин башлиқи томи зивиски истепа бәргән. Бу әмәлдар хуавейни аммиви назарәт вә кишилик һоқуқ мәсилисигә әстайидил қаримиди, дегән.

Томи зивиски әслидә бир мухбир болуп, 6 ай илгири хуавей ширкитиниң данийәдики хәвәрлишиш кәспий бөлүминиң вакаләтчиси болған һәмдә изчил түрдә хуавейни ақлап кәлгән. Әмма у хуавей ширкитиниң сүний әқил техникиси ишлитилгән камералириниң уйғурларни көзитәләйдиғанлиқи һәққидики тәкшүрүш доклатини көргәндин кейин, хуавейниң қорқунчлуқ маһийитини тонуп, хизмитидин дәрһал истепа бериш қарариға кәлгән. У йәнә "алма" ширкитиниму бу хил зулумға ярдәм беридиған техникиларни ишләтмәсликкә чақирған.

Хәвәрдә ейтилишичә, томи зивискиниң хизмитидин истепа бериши хуавей ширкитиниң данийәдики образини чүшүрүвәткән болуп, бу ширкәт нурғун пул хәҗләп өзиниң образини қайта тикләшкә һәмдә америка вә башқа хәлқаралиқ органларниң әйибләшлиригә қарита өзини давамлиқ ақлашқа мәҗбур болмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт