Xu'awéyning bir emeldari xu'awéyning "Uyghurlardin signal bergüch" yasap chiqqanliqini bilgendin kéyin xizmitidin istépa bergen

"Washin'gton pochtisi géziti" ning 1-féwral xewer qilishiche, xitayning eng chong téxnika shirketliridin biri bolghan xu'awéy, az sanliq millet ademlirini iz qoghlap tekshüreleydighan "Uyghurlardin signal bergüch" ishlepchiqarghandin kéyin, xu'awéy shirkitining daniyede turushluq bölümining alaqe ishlirigha mes'ul mu'awin bashliqi tomi ziwiski istépa bergen. Bu emeldar xu'awéyni ammiwi nazaret we kishilik hoquq mesilisige estayidil qarimidi, dégen.

Tomi ziwiski eslide bir muxbir bolup, 6 ay ilgiri xu'awéy shirkitining daniyediki xewerlishish kespiy bölümining wakaletchisi bolghan hemde izchil türde xu'awéyni aqlap kelgen. Emma u xu'awéy shirkitining sün'iy eqil téxnikisi ishlitilgen kaméralirining Uyghurlarni köziteleydighanliqi heqqidiki tekshürüsh doklatini körgendin kéyin, xu'awéyning qorqunchluq mahiyitini tonup, xizmitidin derhal istépa bérish qararigha kelgen. U yene "Alma" shirkitinimu bu xil zulumgha yardem béridighan téxnikilarni ishletmeslikke chaqirghan.

Xewerde éytilishiche, tomi ziwiskining xizmitidin istépa bérishi xu'awéy shirkitining daniyediki obrazini chüshürüwetken bolup, bu shirket nurghun pul xejlep özining obrazini qayta tikleshke hemde amérika we bashqa xelq'araliq organlarning eyibleshlirige qarita özini dawamliq aqlashqa mejbur bolmaqta iken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar