Xu'awéy guruhining Uyghur diyarida "Reqemlik tashyol" qurmaqchi bolushi diqqet qozghidi

Muxbirimiz eziz
2021-03-04
Share

"Xitay xewerliri tori" ning 2-marttiki xewiride éytilishiche, xu'awéy guruhi yéqinda "14-Besh yilliq pilan" ning bir qisimi süpitide Uyghur diyarida omumiyyüzlük "Eqliy yuquri sür'etlik tashyol" qurush hemde qatnash kespini "Reqemlik bashqurush" qa aylandurush heqqide Uyghur aptonom rayonluq qatnash nazariti bilen kélishim tüzgen.

Xewerde éytilishiche, da'iriler Uyghur diyaridiki "Yol, adem, mashina, muhit" qatarliqlarni reqemlik bashqurushqa yükseldürüsh arqiliq bularning bir-birige bolghan tayinishchanliqini téximu ashurmaqchi bolghan. Xu'awéy guruhining wekili bu heqte söz qilip, pütkül qatnash sistémisining reqemlik we "Eqliy yuquri sür'et" ke ige bolushini "Shinjangda yuquri ünümlük we bixeter bolghan qatnash tori berpa qilishqa paydiliq" dégen.

Melum bolushiche, xu'awéy guruhining amérika tupriqidiki jasusluq herketlirige hemde Uyghur diyaridiki lagérlar qurulushigha ghayet zor meblegh ajratqanliqi ötken yillardin buyan küchlük tenqidke uchrap kelgen idi. Shuningdek ularning Uyghurlarning chirayini perqlendüreleydighan közitish apparati ishlepchiqirishi "Gherezlik halda xitay hökümitining Uyghurlarni basturushigha yantayaq bolghanliq" dep eyiblen'gen idi. Emdilikte ularning Uyghur diyarida "Reqemleshken eqliy tashyol" qurulushi berpa qilmaqchi bolushi birdek xitay hökümitining téximu qattiq bolghan kontrolluq tedbirlirige maslishishni meqset qilghan, dep qaralmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet