Хитайниң шенҗин шәһиридә ялған террорлуқ учури тарқатқанлар қолға елинди

Мухбиримиз меһрибан
2015-12-29
Share

Хитайниң җәнубидики шенҗен шәһиридә ялған террорлуқ учури тарқатқини үчүн бирқанчә киши қолға елинди.

Бирләшмә агентлиқниң 29-декабирдики хәвиридә дейилишичә, шенҗен шәһиридики сақчи даирилири дүшәнбә күни икки кишиниң "нәччә йүзлигән террорчи бу шәһәргә йетип кәлди" дегән ялған учурни тарқатқини үчүн тутқун қилинғанлиқини билдүргән. Хәвәрдә дейилишичә интернет торида тарқалған ялған учурда "йирақ ғәрбий шималдики шинҗаңлиқлардин 300 киши ислам дөлитиниң буйруқи билән бу шәһәргә йетип кәлгән, агаһ болуңлар" дегән баянлар йезилған.

Хитай вәзийитини көзитиш ториниң 28-декабирдики "шенҗенда 7 киши террорлуқ вәқәси һәққидә ялған учур тарқатқини үчүн тутқун қилинди" сәрләвһилик хәвиридә шенҗенниң футийән районидики сақчиларниң 12-айниң 24-25-күнлири үндидар топида "шенҗенда террорчилар бар" дегән ялған учурни тарқатқан 5 кишини тутқанлиқи уларниң ичидә әң кичикиниң әмдила 17 яшқа киргәнликини, сақчиларниң бу бирнәччә күн ичидә йәнә шинҗинниң лоңгаң, лоңхува районидинму йәнә иккки кишини "ялған террорлуқ учури" тарқатқии үчүн тутқанлиқини хәвәр қилди.

Һалбуки өткән һәптидин башлап хитайда "террорлуққа қарши қанун" лайиһиси хитай хәлқ қурултийиниң музакирисигә қоюлған болуп, 27-декабир күни хитай хәлқ қурултийи бу қанунниң қарадин өткәнликини елан қилинған.

Һазирчә ялған учур тарқатқан бу кишиләрниң қандақ җазаға учрайдиғанлиқи намәлум икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт