Xitayning shénjin shehiride yalghan térrorluq uchuri tarqatqanlar qolgha élindi

Muxbirimiz méhriban
2015-12-29
Share

Xitayning jenubidiki shénjén shehiride yalghan térrorluq uchuri tarqatqini üchün birqanche kishi qolgha élindi.

Birleshme agéntliqning 29-dékabirdiki xewiride déyilishiche, shénjén shehiridiki saqchi da'iriliri düshenbe küni ikki kishining "Nechche yüzligen térrorchi bu sheherge yétip keldi" dégen yalghan uchurni tarqatqini üchün tutqun qilin'ghanliqini bildürgen. Xewerde déyilishiche intérnét torida tarqalghan yalghan uchurda "Yiraq gherbiy shimaldiki shinjangliqlardin 300 kishi islam dölitining buyruqi bilen bu sheherge yétip kelgen, agah bolunglar" dégen bayanlar yézilghan.

Xitay weziyitini közitish torining 28-dékabirdiki "Shénjénda 7 kishi térrorluq weqesi heqqide yalghan uchur tarqatqini üchün tutqun qilindi" serlewhilik xewiride shénjénning futiyen rayonidiki saqchilarning 12-ayning 24-25-künliri ündidar topida "Shénjénda térrorchilar bar" dégen yalghan uchurni tarqatqan 5 kishini tutqanliqi ularning ichide eng kichikining emdila 17 yashqa kirgenlikini, saqchilarning bu birnechche kün ichide yene shinjinning longgang, longxuwa rayonidinmu yene ikkki kishini "Yalghan térrorluq uchuri" tarqatqi'i üchün tutqanliqini xewer qildi.

Halbuki ötken heptidin bashlap xitayda "Térrorluqqa qarshi qanun" layihisi xitay xelq qurultiyining muzakirisige qoyulghan bolup, 27-dékabir küni xitay xelq qurultiyi bu qanunning qaradin ötkenlikini élan qilin'ghan.

Hazirche yalghan uchur tarqatqan bu kishilerning qandaq jazagha uchraydighanliqi namelum iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet