Xitay shexsi téléfonlarni kimlik boyiche tizimlashni omumlashturmaqchi

Muxbirimiz méhriban
2016-05-24
Share

Xitayning “Xelq pochta-télégraf géziti” 23-may xewer bérip, xitayda maqullan'ghan “Térrorluqqa zerbe bérish qanuni” diki belgilimilerge asasen, bu yil axirighiche 90% xitay ahalisining shexsi téléfonini kimlik boyiche tizimlash xizmitini tamamlaydighanliqini, kéler yili 6-ayning 30-künidin ilgiri xitayda ishlitilidighan barliq téléfonlarni kimlik boyiche tizimlashni omumlashturup bolidighanliqini bildürgen.

Mezkur uqturushtin melum bolushiche, xitaydiki uchur-alaqe shirketlirining téléfon, qisqa uchur, mexsus uqturush chiqirish qatarliq wasitiler arqiliq téléfon abontlirigha kimlik boyiche tizimlitishni telep qilishi kérekliki tekitlen'gen.

Xitayda téléfonlarni kimlik boyiche tizimlash ishi 2013-yili bashlan'ghan bolup, bu xil yüzlinish, xitay puqralirini bi'aram qilghan. Bu heqte inkas bildürgen tordashlar “Téléfonni kimlik boyiche tizimgha aldurush tüzümi yolgha qoyulsa, barliq shexsi uchurlar hökümet teripidin igilinip turidighan weziyet shekillinidighanliqi üchün, puqralarda bixeterlik tuyghusining qalmaydighanliqi”ni ilgiri sürgen.

Radiyomizning ziyaritini qobul qilghan gu'angjuluq yé du ependi öz qarishini bildürüp: “Hazir yolgha qoyuluwatqan téléfon kimlik tüzümi puqralarning normal alaqe pa'aliyitige chong tesir körsetmesliki mumkin, emma kishilerde psixik jehette wehime peyda qilishi muqerrer” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet