Yang gangning paraxorluq délosi üstidin resmiy sot échilghan

Muxbirimiz jüme
2015.11.15


12 - Noyabir xitay memliketlik siyasiy kéngesh iqtisad komitétining sabiq mu'awin mudiri yang gangning paraxorluq délosi üstidin resmiy sot échilghan.

Xitay xelq torining xewer qilishiche, sot béyjing sheherlik 3 - ottura sot mehkimiside ochuq sheklide échilghan. Sotqa 70 etrapida adem qatnashqan.

Yang gang esli xébéyda tughulghan bolup, baliliq dewrliridila dadisigha egiship Uyghur élige yerleshken we 2010 - yil xizmiti östürülüp béyjinggha yötkep kétilgen qeder bingtu'ende 20 yilgha yéqin hoquq tutqandin sirt, ürümchi shehirining partiye sékrétari, Uyghur aptonom rayoni kadirlar nazaritining mu'awin naziri, Uyghur aptonom rayoni partkomning da'imiy hey'et ezasi, aptonom rayonluq hökümetning mu'awin re'isi qatarliq aliy hoquqlarni tutqan.

Amérikidin chiqidighan “Ulugh éra géziti” diki xewerde, yang gangning Uyghur élining aldinqi nöwetlik sabiq partkom sékrétari “Wang léchüenning yéqini” ikenliki körsitildi.

Xelq torining xewer qilishiche, “Yang gang 2008 - yili féwraldin, 2013 - yili awghustqiche, özining alahide munasiwitidin paydilinip, 13 milyon 790 ming yüen para alghan. Xewerde körsitishiche yene, yang gang axirida “Jinayitini tonughan, jinayitige pushayman qilghan.”

Emma sotqa qandaq höküm chiqirilghanliqi hazirche élan qilinmighan.

Yang gang 2013 - yili 27 - dékabir qolgha élinip tekshürülüshke tapshurulghan. Xitay aliy xelq teptish mehkimisi bu yil 28 - iyul tarqatqan uchurida yang gangning parixorluq jinayiti ustidin tekshürülüshke bashlighanliqini körsetken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.