Uyghur oqughuchi yangaq torti sodisini intérnét dunyasigha bashlap kirgen

Muxbirimiz jüme
2014-05-24
Share


Xitaydiki bir aliy mektepte oquwatqan Uyghur oqughuchi Uyghurlarning yangaq tortini intérnét arqiliq sétish sodisini yolgha qoyup, payda körüshke bashlighan.

Xitay xelq'ara radi'o istansisining xewer qilishiche, bu sodini tunji bolup énternette bashlighan yash nöwette xénen uniwérsitétida oquwatqan adil isimlik Uyghur iken.

U qeshqerdin bolup, yangaq torti yasap sétish uninggha ata kespi iken.

U xitay ölkisige kelgendin kéyin, ata kespini téximu jari qildurush üchün sodisini intérnét dunyasigha bashlap kirgen.

Xewerde éytilishiche, u bu kespini nöwette ikki neper xitay sawaqdishi bilen birlikte meblegh sélip kéngeytishke bashlighan.

Nöwette ular tor arqiliq buyrutma qobul qilip, buyrutmilarni pütün xitay miqyasigha pochta arqiliq salidiken. Sawaqdashliri uninggha "Yangaq tort shahzadisi" dep nam bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet