Yaponiye hökümiti shi jinpingning nenjing qirghinchiliqi heqqidiki sözige naraziliq bildürdi

Muxbirimiz ümidwar
2014.03.30
Share on WhatsApp
Share on WhatsApp


Xitay xelq jumhuriyiti re'isi shi jinpingning gérmaniye sepiride sözligen nuqtida nenjing qirghinchiliqini tilgha élip, “Yaponiye armiyisining 300 mingdin artuq junggoluqni qirghanliqi we junggoluqlarning hazirmu bu zorawanliqini este tutuwatqanliqi”ni tekitlishi yaponiye hökümitining naraziliqigha duch keldi.

Yaponiyening jiji agéntliqining xewer qilishiche, yaponiye hökümiti shi jinpingning bu sözige derhal qarshi chiqqan. Yaponiye tashqi ishlar ministirliqi shenbe küni xitayning yaponiyediki elchixanisigha naraziliq bildürgen. Yaponiye tashqi ishlar ministirliqining ishxana bashliqi yoshixide suga “Xitay rehbirining üchinchi bir dölette yaponiye tarixi heqqide inkas bildürüshi qet'iy muwapiq emes” dégen.

U yene kona yaponiyening nenjingde élip barghan qirghinchiliq qilmishlirini inkar qilmisimu, emma ölgüchilerning sani heqqide oxshimighan qarashlar mewjutluqi, yaponiye hökümitining buni téxi toluq békitmigenlikini eskertken.

B b s ning yézishiche, shi jinping bu sözini jüme küni bérlinda, gérmaniye bash ministiri anjéléka mérkél bilen birlikte ötküzgen muxbirlarni kütüwélish yighinida tekitligen bolup, u yene eyni waqittiki urush jeryanda 35 milyon junggoluqning öltürülgenlikinimu eskertken.

Yaponiye bilen xitay arisida sénkako aralliri mesilisi kücheygendin buyan xitayda nenjing qirghinchiliqini eslesh we uni xatirilesh da'imliq pa'aliyetlerge aylanmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.