Yaponiye ichki ishlar weziri yasukunini ziyaret qilip xitayning chishigha tegdi

Muxbirimiz jüme
2013-10-19
Share

Yaponiye ichki ishlar weziri we yüzdin artuq yaponiye parlamént ezasi yasukuni qebristanliqini ziyaret qilip, ikkinchi dunya urushida qurban bolghan yapon herbiylirining rohigha séghin'ghan. Bu xitayni intayin bi'aram qilghan, xitay da'iriliri yaponiyening 2 - dunya urushidin kéyin békitilgen dunya tertipini buzushqa urunmaqta dep eyibligen.

Ichki ishlar weziri yishitaka shindoning jüme künidiki mezkur ziyaritige yaponiye parlaméntining 160 ezasi hemrah bolghan. Yishitaka shindo bularning ichidiki eng yuqiri derijilik hökümet emeldari.

Xitay tashqi ishlar r ministirliqi bayanatchisi xu'a chünying: yasukuni ibadetxanisi yapon militarizmining simwoli we rohiy qorali, dégen.

U yene, bu qétimqi ziyaretning tarixni yuyup tashlaydu we ikkinchi dunya urushining netijisi we urushtin kéyin ornitilghan xelq'ara tertipke riqabet élan qilidu, dédi.

Yaponiye bash weziri shinzo abému ötken yili hoquq sehnisige qayta chiqqandin kéyin mezkur qebristanliqini ziyaret qilip xitayning chishigha tegken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet