Yaponiye bash weziri 2 - dunya urushidiki yapon eskerlirining töhpisini medhiyeligen

Muxbirimiz jüme
2014.08.27
Share on WhatsApp
Share on WhatsApp

Melumatlargha qarighanda, yaponiye bash weziri shinzo abé 2 - dunya urushida ölgen yapon xadimlirini xatirilesh murasimigha mektup yollap, ölgen eskerlerning töhpisini medhiyeligen.

Charshenbe küni yaponiye ichki kabinéti bash katipi yoshihidé suganing muxbirlargha éytishiche, shinzo abé bu mektupni bu yil 4 - ayning 29 - küni tokyodiki koyasan ibadetxanisida ötküzülgen bir xatirilesh murasimi üchün ewetken.

Uning mezkur mektupi murasimgha qatnashqan 220 neper murasim ehlige oqup ötülgen.

Birleshme agéntliqining neqil qilishiche, shinzo abé xétide: “Kemine bügünki yaponiyediki güllinish we eminlikning asasigha aylan'ghan rohlirini qurban qilghan qehrimanlirimizgha chongqur teziye bildürimen” dep yazghan.

U yene xétide pütkül insaniyetning menggülük tinchliqta birlikte mewjut bolup turushini ümid qilidighanliqini bildürgen.

2 - Dunya urushida ölgen yapon herbiylirini xatirilesh yaponiye we 2 - dunya urushi mezgilide yaponiye bésiwalghan xitay qatarliq ellerde sezgür témilarning biri bolup hésablinidu.

Melum bolushiche, shinzo abé ötken yilimu bu xil xatirilesh murasimigha yuqiriqi mezmunda mektup yollighan iken.

Yaponiye bash wezirining xitay qatarliq döletler “Urush jinayetchiliri” dep qaraydighan bu bir türküm herbiylirige hésdashliq qilishi ilgirimu xitay yaponiye - munasiwetlirini bir nechche qétim yirikleshtürgen idi.

Nöwette xitayning mezkur mektupqa nisbeten qandaq inkas qayturghanliqi melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet