Японийә дөләт мудапиә хам чотини йәнә өстүрмәкчи

Мухбиримиз җүмә
2015-12-05
Share

Японийәниң келәр йиллиқ дөләт мудапиә хам чотиниң тунҗи қетим 5 тирилйон йендин ешип кетидиғанлиқи мөлчәрләнмәктә.

Рейтерс агентлиқиниң бу иштин хәвәрдар һөкүмәт хадимлириниң ейтқанлиридин нәқил елип хәвәр қилишичә, японийәниң көпәйтилгән мудапиә селинмиси йеңи бекитилгән хәвпсизлик қануниға асасән япон һәрбий қисимлириниң ролини күчәйтишкә ишлитилидикән.

Японийә парламенти 2016 - йиллиқ дөләт мудапиә хам чотини бу йил 24 - декабир муәййәнләштүридикән.

Японийә дөләт мудапиә вазарити бу йил авғустта 2016 - йиллиқ мудапиә чиқими үчүн 5.09 Тирилйон йен тәләп қилған иди.

Хәвәрдә "никкей сода хәвәрлири" ниң учурлиридин нәқил елип хәвәр қилишичә, японийәниң өткән йиллиқ дөләт мудапиә селинмиси 4.98 Тирилйон йен әтрапида дәп мөлчәрләнгән болуп, бу йилқи селинма әслидики тәләптин азрақ қисқартилип, 5.04 Тирилйон тәстиқлиниши мумкин икән.

Японийә 16 - июл асасий қануниға өзгәртиш киргүзүп, өз әскәрлириниң чәтәлләрдә җәң қилалмаслиқ тарихиға хатимә бәргән. Қанунниң бу маддиси хитайни биарам қилған.

Японийә иккинчи дуня урушидин кейин түзүлгән қанунида өз әскәрлириниң чәтәлләрдә җәң қилишини чәклигән.

Әмма шинзо абе һакимийәт бешиға чаққандин кейин, қанунниң бу маддисини өзгәртишкә көп тиришчанлиқ көрсәткән. Қанунниң өзгәртилгән нусхиси 16 - июл японийә парламентиниң төвән палатасида авазға қоюлған вә тәстиқланған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт