Yaponiye dölet mudapi'e xam chotini yene östürmekchi

Muxbirimiz jüme
2015-12-05
Share

Yaponiyening kéler yilliq dölet mudapi'e xam chotining tunji qétim 5 tirilyon yéndin éship kétidighanliqi mölcherlenmekte.

Réytérs agéntliqining bu ishtin xewerdar hökümet xadimlirining éytqanliridin neqil élip xewer qilishiche, yaponiyening köpeytilgen mudapi'e sélinmisi yéngi békitilgen xewpsizlik qanunigha asasen yapon herbiy qisimlirining rolini kücheytishke ishlitilidiken.

Yaponiye parlaménti 2016 - yilliq dölet mudapi'e xam chotini bu yil 24 - dékabir mu'eyyenleshtüridiken.

Yaponiye dölet mudapi'e wazariti bu yil awghustta 2016 - yilliq mudapi'e chiqimi üchün 5.09 Tirilyon yén telep qilghan idi.

Xewerde "Nikkéy soda xewerliri" ning uchurliridin neqil élip xewer qilishiche, yaponiyening ötken yilliq dölet mudapi'e sélinmisi 4.98 Tirilyon yén etrapida dep mölcherlen'gen bolup, bu yilqi sélinma eslidiki teleptin azraq qisqartilip, 5.04 Tirilyon testiqlinishi mumkin iken.

Yaponiye 16 - iyul asasiy qanunigha özgertish kirgüzüp, öz eskerlirining chet'ellerde jeng qilalmasliq tarixigha xatime bergen. Qanunning bu maddisi xitayni bi'aram qilghan.

Yaponiye ikkinchi dunya urushidin kéyin tüzülgen qanunida öz eskerlirining chet'ellerde jeng qilishini chekligen.

Emma shinzo abé hakimiyet béshigha chaqqandin kéyin, qanunning bu maddisini özgertishke köp tirishchanliq körsetken. Qanunning özgertilgen nusxisi 16 - iyul yaponiye parlaméntining töwen palatasida awazgha qoyulghan we testiqlan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet