Японийәниң һәрбий хамчотни көпәйтиши хитайни қаттиқ әндишигә салған

Мухбиримиз әркин
2013-12-23
Share

Хитай японийәниң һәрбий хам чотни көпәйтиш пиланиға инкас билдүрүп, униң бу пиланиға қарши икәнлики, буниң асия вә дуняда чоңқур әнсизлик пәйда қилидиғанлиқини билдүргән.

Йеқинда японийә баш вәзири шинзо абе һәрбий хам чотни 8.0 Пирсәнт өстүрүп, 51 милярд 700 милйон долларға йәткүзидиғанлиқи, йеқинқи 5 йил ичидә һәр йили 8.0 Пирсәнт өстүрүп маңидиғанлиқини елан қилған иди. Бу японийәниң йеқинқи 11 йил ичидә тунҗи қетим һәрбий хам чотни өстүрүшидур.

Хитай һөкүмити қарши турған болсиму, бирақ бу сан хитайниң һазирқи 107 милярд долларлиқ һәрбий хам чотиға нисбәтән йәнила көп аз.

Хитай йеқинқи он нәччә йилдин буян өзиниң һәрбий хам чотини давамлиқ өстүрүп, һазирқи йүз нәччә милярд долларға йәткүзгән. Лекин америка дөләт мудапиә министирлиқиниң илгири сүрүшичә, хитайниң әмәлийәттики һәрбий хам чоти у елан қилғандин көп артуқ.

Хитай дөләт мудапиә министирлиқи баянатида, японийә «өзини тинчлиқпәрвәр» дәп сүрәтләп, давамлиқ мудапиә сиясити йүргүзидиғанлиқини тәкитлисиму, бирақ униң актип мудапиә сиясити йүргүзүшкә қарап кетиватқанлиқини әскәртип, японийә һәрбий бихәтәрлик сиясити зади қаяққа қарап кетип бариду? бу асия вә дуняниң җиддий әндишисини қозғимай қалмайду, дегән.

Лекин, японийә ахбаратиниң илгири сүрүшичә, хитайниң һәрбий тәһдити, униң сенкаку арили мәсилисидә ошуқлуқ қилиши японийәни өзиниң һәрбий бихәтәрлики һәққидә җиддий ойлишишқа мәҗбур қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.