Японийә йәнә бир тикучар авиаматкисини рәсмий ашкарилиди

Мухбиримиз җүмә
2015.08.29
Share on WhatsApp
Share on WhatsApp


Японийә ахбаратлири 27 - авғуст дөләт мудапиә даирилири йәнә бир тикучар авиаматкисини рәсмий ашкарилиғанлиқини хәвәр қилди.

Бу қетим японийә даирилири ясап чиққанIZUMO типлиқ авиаматкиниң нами“кага” болуп, японийә иккинчи дуня урушидин кейин ясап чиққан әң чоң һәрбий парахот һесаблинидикән.

Бу нөвәт ашкариланған тикучар тошуғучи авиаматкиға җәмий 14 тикучар айропилан сиғидиған болуп, булар асасән су асти парахотлириға зәрбә беришкә ишлитилидикән.

“дипломат гезити” японийә деңиз армийә хадимлириниң “асаһи шимбун” гезитигә ейтқанлиридин нәқил елип көрситишичә, улар мәзкур тикучар тошуғучи авиаматкиниң японийә деңиз қоғдаш қисимлириниң байқаш барғанчә қийинлишип бериватқан хитай су асти парахотлириға тақабил туруш иқтидарини ашуридиғанлиқини билдүргән.

Японийә даирилири дәсләпки JS IZUMOтиплиқ бир тикучар авиаматкисини 2013 - йили ясашқа башлап, бу йил мартта рәсими вәзипигә тәйинлигән иди.

Японийә тәрәп бу авиаматкиниң пәқәт һәрбий тикучарларни тошушқила ишлитилидиғанлиқини билдүргән болсиму, хитай һөкүмити мәзкур парахотниң күрәшчи айропиланларни тошуйдиған рәсмий авиаматка сүпитидиму ишләткили болуши мумкинликини көрситип етираз билдүргән.

“кага” ниң ишқа кириштүрүлүш билән японийә деңиз қоғдиғучи қисимлири 4 данә тикучар тошуғучи авиаматкиға игә болған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.