Yaponiye, shi jinpingning parattiki nutqidin epsuslan'ghanliqini bildürdi

Muxbirimiz irade
2015-09-03
Share


Yaponiye hökümet bayanatchisi yoshi xidé suga peyshenbe küni muxbirlargha qilghan sözide, béyjingdiki herbiy paratta, yaponiye - xitay munasiwetlirining ijabiy tereqqiyatlirining gewdilendürülmigenlikidin epsuslan'ghanliqini bildürgen. U mundaq dégen : "Biz parat aldida xitay terepni eskertip, paratta yaponiyige qarshi keypiyat yaritilip qalmasliqigha kapaletlik qilishni, buning ornigha ikki dölet munasiwetlirining kéyinki yillardiki tereqqiyatining yorutulushini telep qilghan iduq. Epsuski, shi jinpingning nutqida bundaq bir mezmun yoq idi. Biz buningdin epsuslanduq."

Hökümet bayanatchisi yoshi xidé suga sözide yene, birleshken döletler teshkilati bash sékritari ban kimunning béyjingdiki paratqa qatnishishinimu biterep meydanda turmighanliq, dep tenqid qilghan. U sözide yene, xitay hökümitining herbiy küchining zoriyiwatqanliqini tilgha élip, xitay herbiy qudritige a'it melumatlarda hem shundaqla bu nöwet qisqartilidighanliqi élan qilin'ghan herbiy xadimlar mesiliside ochuq - ashkara bolushi kérek, dep eskertken.

Chet'ellerdiki bir qisim közetküchilermu xitay hökümitining yaponiyining 70 yildin buyan asiyaning tinch tereqqiyatigha we dunya tinchliqigha qoshqan töhpisini körmeske sélip, uning ornigha yaponiyige qarshi öchmenlik tuyghusini küchlendüridighan teshwiqatlarni qilghanliqini tenqid qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet