Японийә дуня җамаәтчилини асиядики кеңәймичиликини чәкләшкә чақириди

Мухбиримиз җүмә
2014-01-22
Елхәт
Пикир
Share
Принт

Чаршәнбә күни японийә баш вәзири шинзо абе дуня җамаәт чилигә мураҗиәтнамә қилип, асиядики кеңәймичиликини чәкләш керәклики, ундақ болмайдикән униң район тинчлиқи вә дуня иқтисадиға вәйран қилиш характерлик зиян салидиғанлиқини агаһландурди.

У, бу сөзләрни шветсарийәниң давус шәһиридә чақириливатқан дуня иқтисадий мунбири йиғинида оттуриға қойди. У мундақ деди: биз асиядики һәрбий кеңәймичиликләрни чәклишимиз керәк. Әгәр ундақ болмайдикән у контролсиз илгириләйду.

У йәнә мундақ деди: әгәр асиядики тинчлиқ вә муқимлиқ дәхлигә учрайдикән, униң пүтүн дуняға көрситидиған тәсири мөлчәрлигүсиз болиду.

Гәрчә у сөзидә хитайни биваситә тилға алмиған болсиму, униң мәзкур баянлириниң мәзкур районда территорийә мәсилидә бир тәрәплимилик қарарларни чиқириватқан хитайға қаритилғанлиқи ениқ икән.

Хитай даирилири бир тәрәптин һәрбий һазирлиқлирини кеңәйтсә, йәнә бир тәрәптин шәрқий вә ғәрбий деңизниң көп қисини өзиниң дәп елан қилип японийә, корейә вә филиппин қатарлиқ дөләтләрниң наразилиқини қозғиған иди.

Шинзо абениң юқириқи нутқиға хитай даирилириниң қандақ инкас қайтуридиғанлиқи һазирчә мәлум әмәс.

Пикирләр (0)
Share
Толуқ бәт