Yaponiye dunya jama'etchilini asiyadiki kéngeymichilikini chekleshke chaqiridi

Muxbirimiz jüme
2014-01-22
Share

Charshenbe küni yaponiye bash weziri shinzo abé dunya jama'et chilige muraji'etname qilip, asiyadiki kéngeymichilikini cheklesh kérekliki, undaq bolmaydiken uning rayon tinchliqi we dunya iqtisadigha weyran qilish xaraktérlik ziyan salidighanliqini agahlandurdi.

U, bu sözlerni shwétsariyening dawus shehiride chaqiriliwatqan dunya iqtisadiy munbiri yighinida otturigha qoydi. U mundaq dédi: biz asiyadiki herbiy kéngeymichiliklerni cheklishimiz kérek. Eger undaq bolmaydiken u kontrolsiz ilgirileydu.

U yene mundaq dédi: eger asiyadiki tinchliq we muqimliq dexlige uchraydiken, uning pütün dunyagha körsitidighan tesiri mölcherligüsiz bolidu.

Gerche u sözide xitayni biwasite tilgha almighan bolsimu, uning mezkur bayanlirining mezkur rayonda térritoriye mesilide bir tereplimilik qararlarni chiqiriwatqan xitaygha qaritilghanliqi éniq iken.

Xitay da'iriliri bir tereptin herbiy hazirliqlirini kéngeytse, yene bir tereptin sherqiy we gherbiy déngizning köp qisini özining dep élan qilip yaponiye, koréye we filippin qatarliq döletlerning naraziliqini qozghighan idi.

Shinzo abéning yuqiriqi nutqigha xitay da'irilirining qandaq inkas qayturidighanliqi hazirche melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet