Японийә-хитай хәвпсизлик сөһбити өткүзмәкчи

Мухбиримиз ирадә
2015-03-05
Елхәт
Пикир
Share
Принт

Японийә-хитай икки тәрәп төт йил аридин кейин тунҗи хәвпсизлик сөһбитини өткүзмәкчи. японийә ташқи ишлар министирлиқи пәйшәнбә күни билдүрүшичә, икки тәрәп сөһбити 19-март күни өткүзүлидикән. Униңға икки тәрәпниң ташқи ишлар министирлиқи вә мудапиә министирлиқиниң әмәлдарлири қатнишидикән.

Японийә-хитай икки тәрәпниң мунасивити сенкаку араллириниң игилик һоқуқ күриши сәвәбидин йириклишип қалғанлиқтин, икки тәрәп арисидики бундақ сөһбәтләрму тохтап қалған. японийә-хитай хәвпсизлик сөһбити ахирқи қетим 2011-йили бейҗиңда ечилған.

Мәзкур сөһбәтниң әслигә келиши икки тәрәп мунасивәтлириниң әслигә келишидики йәнә бир қәдәм, дәп қаралмақта.

Японийә баш вәзири шинзо абе билән хитай дөләт рәиси ши җинпиң иккиси өткән йили ноябирда асия-тинч окян иқтисадий һәмкарлиқиниң йиғинида тунҗи қетим бир ариға кәлгән иди.

Пикирләр (0)
Share
Толуқ бәт