Шинзо абе билән ши җинпиң очуқ чирай көрүшти

Мухбиримиз үмидвар
2015-04-22
Share

Японийә баш вәзири шинзо абе вә хитай дөләт рәиси ши җинпиң чаршәнбә күни һиндонезийәниң җакарта шәһиридә учришип сөһбәтләшти.

Ройтерсниң хәвәр қилишичә, улар асия-африқа дөләт башлиқлири йиғини җәрянида учрашқан.

Шинзо абе учришиштин кейин мухбирларға бу һәқтә тохтилип, "бу наһайити әһмийәтлик рәһбәрләр сөһбити болди, японийә-хитай мунасивәтлири оңшилишқа қарап йүзләнди" дегән.

Японийә баш вәзири шинзо абе йәнә буниңдин кейин икки дөләтниң яш өсмүрлирини өз ичигә алған һәр саһәләрдики диалог вә алақиләрни илгири сүрүшни үмид қилидиғанлиқини билдүргән.

Шинзо абе йәнә "икки дөләт мунасивәтлириниң тәрәққияти икки дөләт хәлқиниң мәнпәәтлиригә пайдилиқ" дәп әскәрткән.

Б б с ниң хәвәр қилишичә, икки рәһбәр сөһбити җәрянида хитай дөләт рәиси ши җинпиң баштин-ахири күлүмсирәп турған, әмма өткән йили улар бейҗиңда учрашқанда у соғуқ чирай көрүнгән иди.

Ши җинпиң "җуңго-японийә мунасивәтлири мәлум дәриҗидә яхшиланди, японийә тәрәп билән болған сөһбәтни күчәйтип, җуңго-японийә арисидики өз-ара һәмкарлиқ вә шериклик мунасивәтлирини һәм бир-биригә тәһдит салмаслиқ ортақ тонушини кеңәйтишни үмид қилимән" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт