Shinzo abé bilen shi jinping ochuq chiray körüshti

Muxbirimiz ümidwar
2015-04-22
Share

Yaponiye bash weziri shinzo abé we xitay dölet re'isi shi jinping charshenbe küni hindonéziyening jakarta shehiride uchriship söhbetleshti.

Roytérsning xewer qilishiche, ular asiya-afriqa dölet bashliqliri yighini jeryanida uchrashqan.

Shinzo abé uchrishishtin kéyin muxbirlargha bu heqte toxtilip, "Bu nahayiti ehmiyetlik rehberler söhbiti boldi, yaponiye-xitay munasiwetliri ongshilishqa qarap yüzlendi" dégen.

Yaponiye bash weziri shinzo abé yene buningdin kéyin ikki döletning yash ösmürlirini öz ichige alghan her sahelerdiki di'alog we alaqilerni ilgiri sürüshni ümid qilidighanliqini bildürgen.

Shinzo abé yene "Ikki dölet munasiwetlirining tereqqiyati ikki dölet xelqining menpe'etlirige paydiliq" dep eskertken.

B b s ning xewer qilishiche, ikki rehber söhbiti jeryanida xitay dölet re'isi shi jinping bashtin-axiri külümsirep turghan, emma ötken yili ular béyjingda uchrashqanda u soghuq chiray körün'gen idi.

Shi jinping "Junggo-yaponiye munasiwetliri melum derijide yaxshilandi, yaponiye terep bilen bolghan söhbetni kücheytip, junggo-yaponiye arisidiki öz-ara hemkarliq we shériklik munasiwetlirini hem bir-birige tehdit salmasliq ortaq tonushini kéngeytishni ümid qilimen" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet