Yaponiye parlaméntining bir guruppisi béyjingni ziyaret qilmaqchi

Muxbirimiz ümidwar
2014-05-04
Share


Yaponiye bilen xitay arisidiki munasiwetlerning barghanséri soghuqliship kétishige egiship, yaponiye siyaset qatlimidiki bir qisim xitay bilen bolghan munasiwetni illiqlashturush terepdarliri özlirining bu heqtiki pa'aliyetlirini bashliwetken. Roytérsing xewer qilishiche, yaponiye parlaméntidik her qaysi partiyilerdin kélip chiqqan 9 kishilik bir parlamént wekiller ömiki teshkillep, düshenbe küni béyjingni ziyaret qilip, ikki dölet munasiwetlirini yaxshilash üchün pa'aliyet élip baridiken.

En’ gliye b b s agéntliqining yézishiche, bu ömek ezaliri sabiq xitay tashqi ishlar ministiri tang ju'ashyen qatarliqlar bilen körishidiken.

Analizlarda yaponiye bash weziri shinzo abining yasukinini ziyaret qilishi hemde sénkako aralliri mesilisidiki qet'iy meydani shuningdek amérika prézidénti obamaning yaponiye ziyariti xitayni bi'aram qilghanliqi körsitilgen idi.

Yaponiye"N h k" téléwiziyesi mezkur parlamént ezalirining xitay dölet re'isi shi jinping bilenmu körüshishni arzu qilidighanliqi shuningdek shi jiping bilen shinzo abini uchrashturush üchün heriket qilidighanliqini ashkarilidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet