Yaponiye bilen xitay aral mesiliside bir - birini eyibleshti

Muxbirimiz jüme
2014.06.14
Share on WhatsApp
Share on WhatsApp


Yaponiye bilen xitay arisidiki aral detalishi keltürüp chiqarghan jiddiylik shenbe küni yene ewjige chiqti.

Xitay da'iriliri yaponiye küreshchi ayropilanining xitay ayropilanigha “Xeterlik derijide yéqinlashqan” liqini élan qilghandin kéyin, yaponiye xitayning mezkur bayanlirini inkar qildi we xitaydin bu heqte élan qilghan sin höjjitini tordin éliwélishni telep qildi.

Xitay da'iriliri peyshenbe küni yaponiye F - 15 tipliq küreshchi ayropilanining xitayningTU - 154 tipliq ayropilanigha egiship, ayropilan'gha 30 métirghiche yéqinlashqanliqini bildürgen we bu neq meydandin süretke élin'ghanliqi ilgiri sürülgen bir parche qisqa filimni élan qilghan idi.

Shenbe küni yaponiye ichki kabinét bash katipi yoshihidé suga xitay élan qilghan filimdiki ayropilaning yaponiye ayropilanigha oxshimaydighanliqi körsitip, yaponiye ayropilaning xitay ayropilanigha yéqinlashqanliqi yalghan dédi.

Charshenbe küni yaponiye da'iriliri xitay küreshchi ayropilanning sénkaku arili teweside tekshürüsh élip bériwatqan yaponiye ayropilanigha derijidin tashqiri yéqinlap kelgenlikini élan qilghan we buninggha étiraz bildürgen idi.

Bu yéqindin buyan yaponye - xitay arisida talash - tartish qiliniwatqan sénkaku aral mesilisining yene bir qétim jiddiy basquchqa kötürülüshi bolup hésablinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet