Японийә хитайдин келидиған тәһдитләргә тақабил туруш үчүн дөләт мудапиә истратегийисини күчәйтишкә чақирилди

Мухбиримиз җүмә
2013-12-11
Share

Японийә дөләт бихәтәрлики мутәхәссислири японийә һөкүмитини хитай қатарлиқ әлләрдин келидиған тәһдитләргә тақабил туруш үчүн дөләт мудапиә истратегийисини күчәйтишкә чақирди.

Японийә парламенти келәр һәптә дөләт хәвпсизлик истратегийәсиниң ахирқи нусхисини бекитип, чиқиду.

Бу рәсмий йосундики хәвпсизлик истратегийәсини бекитип чиқиш, баш вәзир шинзо абениң японийә дөләт мудапиәсини күчәйтиш йолидики тиришчанлиқиниң бир қисми.

У, чаршәнбә күни японийә хәвпсизлик истратегийисиниң ахирқи нусхисини музакирә қиливатқан, вәзир-вузра, парламент әзалири вә мутәхәссисләргә қилған сөзидә йәнә шу хил мәйданини ипадилиди.

У мундақ деди: дөлитимизниң әтрапидики хәвпсизлик муһити барғанчә яманлишиватқан әһвалда, хәлқимизниң һаяти вә мал-мүлкини қоғдаш үчүн биз йүксәк мәҗбурийәт билән өз дөләт хәвпсизлик сияситимизни қайта бекитип чиқишқа моһтаҗмиз.

Японийәниң бу қетимқи хәвпсизлик пиланиға хитай етираз билдүрди.

Хитай дипломатийә министирлиқи баянатчиси хоң лей чаршәнбә күндики баянатида японийәниң "җуңго тәһдити" нәзәрийисини көптүрүп көрситиштики ғәризи башқа икәнликини көрсәтти вә: японийәни қошнилири билән болған мунасивәтлирини яхшилашқа чақиримиз, деди.

Хитай японийә мунасивәтлири, хитайниң бу йил өктәбирдә японийә башқурушидики сенкаку араллар гурупписини өз һава мудапиә кимлик райониға киргүзгәндин кейин техиму йирикләшкән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт