Yaponiye xitaydin kélidighan tehditlerge taqabil turush üchün dölet mudapi'e istratégiyisini kücheytishke chaqirildi

Muxbirimiz jüme
2013-12-11
Élxet
Pikir
Share
Print

Yaponiye dölet bixeterliki mutexessisliri yaponiye hökümitini xitay qatarliq ellerdin kélidighan tehditlerge taqabil turush üchün dölet mudapi'e istratégiyisini kücheytishke chaqirdi.

Yaponiye parlaménti kéler hepte dölet xewpsizlik istratégiyesining axirqi nusxisini békitip, chiqidu.

Bu resmiy yosundiki xewpsizlik istratégiyesini békitip chiqish, bash wezir shinzo abéning yaponiye dölet mudapi'esini kücheytish yolidiki tirishchanliqining bir qismi.

U, charshenbe küni yaponiye xewpsizlik istratégiyisining axirqi nusxisini muzakire qiliwatqan, wezir-wuzra, parlamént ezaliri we mutexessislerge qilghan sözide yene shu xil meydanini ipadilidi.

U mundaq dédi: dölitimizning etrapidiki xewpsizlik muhiti barghanche yamanlishiwatqan ehwalda, xelqimizning hayati we mal-mülkini qoghdash üchün biz yüksek mejburiyet bilen öz dölet xewpsizlik siyasitimizni qayta békitip chiqishqa mohtajmiz.

Yaponiyening bu qétimqi xewpsizlik pilanigha xitay étiraz bildürdi.

Xitay diplomatiye ministirliqi bayanatchisi xong léy charshenbe kündiki bayanatida yaponiyening "Junggo tehditi" nezeriyisini köptürüp körsitishtiki gherizi bashqa ikenlikini körsetti we: yaponiyeni qoshniliri bilen bolghan munasiwetlirini yaxshilashqa chaqirimiz, dédi.

Xitay yaponiye munasiwetliri, xitayning bu yil öktebirde yaponiye bashqurushidiki sénkaku arallar guruppisini öz hawa mudapi'e kimlik rayonigha kirgüzgendin kéyin téximu yirikleshken.

Toluq bet