Yaponiye talash tartishtiki aral etrapida xitayning jasusluq kémilirini bayqighan

Muxbirimiz jüme
2015.11.15


Yaponiye da'iriliri jüme küni sherqiy déngizgha jaylashqan talash tartishtiki aral etrapida xitayning jasusluq kémilirini bayqighanliqini bildürdi.

Yaponiye dölet mudapi'e wazaritining bildürüshiche, yaponiye razwédka ayropilani sénkaku arallar guruppisi etrapida egip yürgen xitayning “Dongdiyaw” tipliq jasusluq paraxotini bayqighan.

Nöwette yaponiye kontrolluqidiki sénkaku arallar guruppisini xitay “Dyawyü arili” dep atap, mezkur aralning özige tewe ikenlikini bildürüp kelgen. Yaponiyemu bu arallarning igilik hoquqi özige tewe ikenlikini ching turup, aral etrapigha kelgenliki chet'el kéme we ayropilanlirini qoghlap turghan idi.

Yaponiye da'irilirining éytishiche, xitayning jasusluq kémisi peyshenbe küni aralgha bir nechche qétim yéqinlashqan we qaytip ketken, emma aralning 12 déngiz mili da'irisige yéqinliship, yaponiyening su tewelikige tajawuz qilip kirmigen.

Kyodo torida körsitishiche, xitay tashqi ishlar bayanatchisi xong léy jüme kündiki axbarat élan qilish yighinida xitay paraxotining herikitini “Normal hadise” dep aqlighan.

Sénkaku aral mesilisi xitay we yaponiye munasiwetliridiki nazuk mesililerning biri idi.

Ikki terep arisidiki aral majirasi 2012 - yili séntebir tokyo shehiri aralning igilik hoquqni pulgha sétiwalghandin kéyin téximu ötkürleshken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.