Японийә хитай талишиватқан арал әтрапиға әскәр йөткәшни пилан қилған

Мухбиримиз җүмә
2015-11-28
Share

Японийә даирилири хитай тәрәпму игилик һоқуқи барлиқини илгири сүрүватқан сенкаку араллири әтрапиға һәрбий қисим орунлаштурушни пилан қилмақта икән.

Бу сөзләрни японийә муавин мудапиә вәзири кәнҗи вакамия ишигаки шәһәр башлиқи йошитака накаяма билән көрүшкәндин кейин оттуриға қойған.

Бирләшмә агентлиқиниң хәвәр қилишичә, сенкаку арилири мәмурий җәһәттин ишгаки райониға қарайдиған болуп, муавин вәзир шәһәр башлиқиға 2019 - йилиғичә мәзкур аралға 500 кишилик қуруқлуқ армийә қисми орунлаштурулидиғанлиқини чүшәндүргән.

Хәвәргә қариғанда, японийә хитайниң һәрбий тәрәққиятиға әгишип өзиниң мудапиә һазирлиқлирини күчәйтишкә башлиған.

Мәлум болушичә, японийә йәнә ишигаки арилиға қошна арал йонагуниға 150 кишилик деңиз саһилини көзитиш қисмини орунлаштурған.

Японийә йәнә шәрқий деңиздики башқа аралларғиму 2018 - йилиғичә, нәччә йүзләп әскәр орунлаштурушни пилан қилмақта икән.

Сенкаку араллар гурупписи нөвәттә японийә игидарчилиқида. Һалбуки, хитай даирилириму хитайчида "дявйү" арили дәп атилидиған бу араллар гурупписиниң өзигә тәвә икәнликини тәкитләп кәлмәктә.

Бу сәвәбтин мәзкур икки дөләт мунасивәтлири назук һалитини сақлап кәлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт