Yaponiye xitay talishiwatqan aral etrapigha esker yötkeshni pilan qilghan

Muxbirimiz jüme
2015-11-28
Share

Yaponiye da'iriliri xitay terepmu igilik hoquqi barliqini ilgiri sürüwatqan sénkaku aralliri etrapigha herbiy qisim orunlashturushni pilan qilmaqta iken.

Bu sözlerni yaponiye mu'awin mudapi'e weziri kenji wakamiya ishigaki sheher bashliqi yoshitaka nakayama bilen körüshkendin kéyin otturigha qoyghan.

Birleshme agéntliqining xewer qilishiche, sénkaku ariliri memuriy jehettin ishgaki rayonigha qaraydighan bolup, mu'awin wezir sheher bashliqigha 2019 - yilighiche mezkur aralgha 500 kishilik quruqluq armiye qismi orunlashturulidighanliqini chüshendürgen.

Xewerge qarighanda, yaponiye xitayning herbiy tereqqiyatigha egiship özining mudapi'e hazirliqlirini kücheytishke bashlighan.

Melum bolushiche, yaponiye yene ishigaki ariligha qoshna aral yonagunigha 150 kishilik déngiz sahilini közitish qismini orunlashturghan.

Yaponiye yene sherqiy déngizdiki bashqa arallarghimu 2018 - yilighiche, nechche yüzlep esker orunlashturushni pilan qilmaqta iken.

Sénkaku arallar guruppisi nöwette yaponiye igidarchiliqida. Halbuki, xitay da'irilirimu xitaychida "Dyawyü" arili dep atilidighan bu arallar guruppisining özige tewe ikenlikini tekitlep kelmekte.

Bu sewebtin mezkur ikki dölet munasiwetliri nazuk halitini saqlap kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet