Yaponiye bash weziri watikanda papa firansis bilen körüshkende Uyghurlarning ehwalidin endishe qiliwatqanliqini bildürgen

Muxbirimiz irade
2022-05-05
Share

Yaponiye bash weziri fumi'o kishida 4-may küni watikanda papa firansis bilen körüshkende, Uyghurlarning ehwalidin endishe qiliwatqanliqini bildürgen.

“Katolik dunyasi xewerliri” gézitining xewirige qarighanda, yaponiye bash weziri kishida 4-may küni watikanda papa firansis bilen körüshüp, nöwette dunyada yüz bériwatqan muhim weqeler üstide pikir almashturghan. U papa firanssiqa özining Uyghurlarning hazirqi ehwalidin qattiq qayghuruwatqanliqini bildürgen.

Melum bolushiche, ikki terepning uchrishishi 55 minut dawam qilghan bolup, söhbette yaponiye bash weziri yene xongkong démokratiyesining basturulushi, jenubiy we sherqiy déngizning igilik hoquqi mesilisi, rusiyening ukra'inagha qilghan tajawuzchiliqi, shimaliy koriyening yadro siniqigha oxshash bir qatar mesililernimu tilgha alghan.

Yaponiye bash weziri kishida xitayning jenubiy déngiz we sherqiy déngizdiki ighwagerchilik heriketlirini we uning Uyghur qatarliq milletlerge tutuwatqan mu'amilisi heqqidiki endishilirini ashkara ipade qilip kéliwatqan bir dölet rehbiri. U bu qétim watikan papasi firansis bilen ötküzgen uchrishishida Uyghur mesilisini tilgha alghan bolsimu, biraq watikan teripidin mezkur uchri'ishish heqqide élan qilin'ghan resmiy bayanatta Uyghurlar we xongkong mesilisi tilgha élinmighan iken.

Watikan uzundin buyan xitaydiki kishilik hoquq we diniy erkinlik mesililiride sükütte turuwalghan bolup, kishilik hoquq teshkilatlirini öz ichige alghan nurghun xelq'araliq organlar we pa'aliyetchiler teripidin tenqidke uchrap kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet