Yaponiyening ikki chong kiyim-kérek shirkiti "Shinjang paxtisi" ishlitishni toxtatqan

Muxbirimiz erkin
2021-11-22
Share

Yaponiyening "Sanyo shokay" we "TSI Guruhi" namliq ikki chong kiyim-kéchek shirkiti mehsulatlirigha xitayning "Shinjang paxtisi" ishlitishni toxtatqan. Yaponiye NHK qanilining xewer qilishiche, sanyo shökey kéler yili etiyaz we yazdin bashlap kiyim-kécheklirige Uyghur élidin kelgen paxtini ishletmeydighanliqini bildürgen. Oxshash bir waqitta yene "TSI Guruhi" mu bu yil küz we qish peslidin bashlap "Shinjang paxtisi" ishlitishni toxtatqanliqi we buni qisqa ariliqta eslige keltürüsh pilani yoqluqini éytqan.

Bu ikki shirket yaponiye bash weziri fumi'o kishidaning sabiq yaponiye dölet mudapi'e ministiri nakatanini özining kishilik hoquq bash meslihetchisi qilip teyinlishidin kéyinla "Shinjang paxtisi" ni toxtitidighanliqini élan qilghan. Yaponiye erkin démokratlar partiyesidin bolghan 64 yashliq nakatani xitayning Uyghurlargha tutqan mu'amilisini izchil tenqid qilip kelgen siyasiyonlarning biri bolghan.

Bash wezir kishida bu yil 9-ayda ötküzülgen yaponiye saylimi jeryanida ‍özining bash meslihetchi teyinlep, Uyghur éli we xongkongdiki kishilik hoquq depsendichilikini bir terep qilishqa mes'ul qilidighanliqini élan qilghanidi. NHK Qanilining xewer qilishiche, yaponiyediki "Mizuno tenterbiye kiyimliri shirkiti" bilen "Dunya kiyim-kéchek shirkiti" mu özlirining "Shinjang paxtisi" ishlitishni toxtidighanliqini élan qilghan.

Xewerde yene yaponiyening "Yuniklo" namliq kiyim-kéchek zenjirini bashquridighan "Téz parche sétish" guruhining Uyghur élidiki paxtikarlarning kishilik hoquq ehwalini tekshürüshke guruppa teshkilligenliki tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet