Yawropa parlaménti xitayning bazar igilikidiki dölet ikenlikini ret qildi

Muxbirimiz erkin
2016-05-13
Share

Yawropa parlaménti peyshenbe küni bir qarar layihisini awazgha qoyup, xitayning bazar igilikidiki dölet ikenlikini ret qildi. Yawropa parlaménti qarar layihiside, yawropa komitétining polat qatarliq erzan bahaliq xitay mehsulatlirining yawropa bazirida tökme qilip sétilishigha qarshi derhal tedbir qollinishini telep qilghan.

Yawropa parlaméntining körsitishiche, xitay bazar igilidiki dölet emes. Xitay bazar igilikidiki dölet bolushning alaqidar shertlirini hazirlimighan. Xitay hökümiti yawropa ittipaqidin eng kéchikkende bu yil 12‏-aydin burun xitayning bazar igilikidiki döletlik ornini étirap qilishni telep qilip kelgen idi. Xitayning qarishiche, u buningdin 15 yil burun dunya soda teshkilatigha kirip, bazar igilikidiki döletlik shertini hazirlighan.

Emma yawropa parlaménti qararida, xitay éshincha mehsulati "Yawropada intayin éghir ijtima'iy, iqtisadiy, muhit mesilisini keltürüp chiqardi. Xususen polat tömür sana'itige ziyan saldi" déyilgen.

Yawropa parlaméntining qararida eskertishiche, xitayning bazar igilikidiki döletlik ornini étirap qilish yawropa ittipaqida éghir ijtima'iy aqiwet keltürüp chiqiridiken. Qarar layihisi mutleq köp sanliq awazning qollishi bilen maqullandi.
Qara layihisini 246 awaz qollighan, 28 awaz qarshi turghan, 77 awaz bilet tashlashtin waz kechken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.