Yawropa ittipaqi béyjing qishliq olimpikini bayqut qilishta ‍ixtilapqa chüshüp qalghan

Muxbirimiz erkin
2021.12.13
Share on WhatsApp
Share on WhatsApp

Yawropa ittipaqi 2022-yilliq béyjing qishliq olimpikini bayqut qilishta ‍ixtilapqa chüshüp qalghan. Roytérs agéntliqining xewer qilishiche, yawropa ittipaqi diplomatliri eza döletlerning qishliq olimpikni bayqut qilishta téxi ortaq pikir hasil qilmighanliqini éytqan. Létwa tashqi ishlar ministiri gébrélyus lendisburgis 13-dékabir firansiye bilen gollandiye yawropa ittipaqining ortaq pozitsiye tutup, xitay kishilik hoquq depsendichilikige inkas qayturushni telep qilghan ehwalda, ‍özining béyjing qishliq olimpikige barmaydighanliqini bildürgen.

Lyuksémbérg tashqi ishlar ministiri zhan ‍assélborn ittipaqning “Bügün yaki bu hepte ichide bir hel qilish charisi tépishi natayinliqi” ni éytqan. Biraq roytérsning bildürüshiche, yawropa ittipaqi rehberliri bu mesilini peyshenbe küni muzakire qilishni küntertipke kirgüzgen bolup, firansiye bilen gérmaniye yawropa ititpaqining ortaq pozitsiye tutushini qollighan. Firansiye tashqi ishlar ministiri lé dériyan ‍ötken hepte firansiyening ittipaqtiki bashqa döletler bilen ortaq pozitsiyede turushi kéreklikini tekitligen. Uning pikiri gérmaniye tashqi ishlar ministiri annaléna barbokning qollishigha érishken.

‍Oxshash bir waqitta firansiye prézidénti makron, firansiyening qismen bayqutqa qiziqmaydighanliqini ipadilep, “Éniqini éytqanda, yaki siz toluq bayqut qilip tenheriketchilernimu ewetmeysiz we yaki paydiliq heriketler arqiliq hazirqi haletni özgertishke tirishchanliq körsitisiz” dégen.

Roytérsning bildürüshiche, diplomatlar ittipaqtiki xitayning yéqin dosti bolghan wén'giriyening diplomatik bayqutni qollimasliqi mumkinliki, qalghan 26 döletning ortaq pikir hasil qilishi mumkinlikini éytqan. Biraq gherbning asiyadiki muhim ittipaqdishi bolghan yaponiye bilen jenubiy koréye qishliq olimpikni bayqut qilmaydighanliqini bildürgen. Melum bolushiche, yaponiye uninggha peqet ministir derijilik emeldar ewetmeydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet