Явропа иттипақи: "йеңи вирус зор хәтәрдин бешарәт бәрмәктә!"

Мухбиримиз әзиз
2020-02-11
Share

Хитайниң вухән шәһиридин тарқалған таҗсиман вирус пүтүн хитайдила әмәс, бәлки йәр шари бойичә бир зор вәһимә қозғаватқанда явропа иттипақи рәсмий инкас билдүрүп "бу вирус дуня үчүн бир зор хәтәрдин бешарәт бәрмәктә" дәп көрсәтти.

Бирләшмә агентлиқниң 10-февралдики мақалисидә көрситилишичә, явропа иттипақиниң мунасивәтлик комиссийәлири 27 әза дөләтниң вәкиллири билән мәхсус муһакимә йиғини ечип, таҗсиман вирусниң тарқилиш сүрити вә җанға замин болуш әһвалини "дуняниң аммиви сағламлиқи үчүн бир зор хәтәрни пәйда қилмақта" дәп хуласә чиқарған. Шундақла бу вирус һәққидики тәтқиқатқа он милйон явро аҗратқан. Биританийә һөкүмитиму рәсмий баянат елан қилип мушуниңға охшап кетидиған инкас билдүргән.

Хитай һөкүмити елан қиливатқан санлиқ мәлуматларға қариғанда өткән бирнәччә күндә вирусниң тарқилиш сүрити бираз астилиған. Әмма хитайдики алақидар мутәхәссисләр "феврал ейида бу кесәлниң бир қетимлиқ юғури пәллиси көрүлиду" дәп қаримақта икән. Хитай мутәхәссис җоң нәншән BBC агентлиқиға қилған сөзидә "мениңчә апрелниң ахириға барғанда таҗсиман вирусниң вәһимиси түгәп, контроллуқ әмәлгә ешиши мумкин" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт