Явропа иттипақи уйғур дияридики мәҗбурий әмгәккә қарши һәрикәт қоллиниш бесимиға дуч кәлгән

Мухбиримиз җәвлан
2021-02-17
Share

17-Феврал "җәнубий хитай әтигәнлик гезити" дә елан қилинған бир мақалидә билдүрүлүшичә, явропа иттипақи билән хитайниң тоқумичилиқ үскүнилири содиси бирақла ашқан болуп, германийәдин хитайға көпләп ескпорт қилинидиған тоқумичилиқ үскүнилири вә униң запчаслири уйғур районидики тоқумичилиқ завутлирида ишлитилидикән. Бу сода явропа иттипақиға бесим елип кәлгән болуп, явропа иттипақиниң уйғур дияридики мәҗбурий әмгәккә қарши һәрикәт қоллиниши тәләп қилинған.

Мақалидә көрситилишичә, германийәни мәркәз қилған явропа карханилири уйғур райони билән қилиниватқан содидин пайдилинип кәлгән болуп, явропа иттипақи техи уйғур райониға мунасивәтлик һечқандақ чәклимә яки имбарго йолға қоймиған, әмма хитай билән түзгән "мәбләғ селиш келишими" қаттиқ тәнқидкә учриған, уйғур районидики кишилик һоқуқ дәпсәндичилики һәққидики испатлар көпләп ашкариланғанчә, явропа иттипақи униңға қарита һәрикәт қоллиниш бесимиға дуч кәлгән.

Гәрчә явропа иттипақи хитай билән түзгән "мәбләғ селиш келишими" дә хитайниң чоқум хәлқара әмгәкчиләр тәшкилатиниң мәҗбурий әмгәкни чәкләшкә мунасивәтлик низамлириға әмәл қилиши тәләп қилинған болсиму, тәнқидчиләр бу келишимни хитайға юмшақ қоллуқ қилғанлиқи билән әйиблигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт