Yawropa ittipaqi Uyghur diyaridiki mejburiy emgekke qarshi heriket qollinish bésimigha duch kelgen

Muxbirimiz jewlan
2021-02-17
Share

17-Féwral "Jenubiy xitay etigenlik géziti" de élan qilin'ghan bir maqalide bildürülüshiche, yawropa ittipaqi bilen xitayning toqumichiliq üsküniliri sodisi biraqla ashqan bolup, gérmaniyedin xitaygha köplep éskport qilinidighan toqumichiliq üsküniliri we uning zapchasliri Uyghur rayonidiki toqumichiliq zawutlirida ishlitilidiken. Bu soda yawropa ittipaqigha bésim élip kelgen bolup, yawropa ittipaqining Uyghur diyaridiki mejburiy emgekke qarshi heriket qollinishi telep qilin'ghan.

Maqalide körsitilishiche, gérmaniyeni merkez qilghan yawropa karxaniliri Uyghur rayoni bilen qiliniwatqan sodidin paydilinip kelgen bolup, yawropa ittipaqi téxi Uyghur rayonigha munasiwetlik héchqandaq cheklime yaki imbargo yolgha qoymighan, emma xitay bilen tüzgen "Meblegh sélish kélishimi" qattiq tenqidke uchrighan, Uyghur rayonidiki kishilik hoquq depsendichiliki heqqidiki ispatlar köplep ashkarilan'ghanche, yawropa ittipaqi uninggha qarita heriket qollinish bésimigha duch kelgen.

Gerche yawropa ittipaqi xitay bilen tüzgen "Meblegh sélish kélishimi" de xitayning choqum xelq'ara emgekchiler teshkilatining mejburiy emgekni chekleshke munasiwetlik nizamlirigha emel qilishi telep qilin'ghan bolsimu, tenqidchiler bu kélishimni xitaygha yumshaq qolluq qilghanliqi bilen eyibligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet