Yawropa ittipaqining rusiye we xitay mesiliside qattiq qol yol tutidighanliqi ilgiri sürüldi

Muxbirimiz erkin
2021-02-23
Share

Yawropa ittipaqining rusiye we xitay mesiliside amérikaning qattiq qol yolgha qarap méngiwatqanliqi ilgiri sürüldi. "Wal stérét zhurnili" gézitining xewer qilishiche, yawropa ittipaqi rusiyening öktichiler rehbiri alikséy nawalnini qamaqqa élishigha qarshi rusiye emeldarlirini jazalashni, shuningdek xitayning xongkongdiki basturushigha qarshi qandaq tedbir élishni munazire qilishni pilanlap, özlirining rusiye we xitay mesiliside amérikadek qattiq qol yolgha mangidighanliqining signalini bergen.

Amérika tashqi ishlar ministiri antoni blinkén 22-féwral yawropa ittipaqidiki 27 döletning tashqi ishlar ministirliri bilen torda söhbet ötküzgen. Yighinda blinkén amérika bilen yawropa ittipaqining zich hemkarliship, köp qutupluq, démokratiye, kishilik hoquq duch kelgen yershari xaraktérlik xirisqa taqabil turushning muhimliqini tekitligen. Yighinda terepler korona wirusi, iran, xitay, yershari hawa kilimatini öz ichige alghan yershari xaraktérlik mesililerni muzakire qilghanidi.

"Wal stérét zhurnili" ning xewiride bayan qilinishiche, yawropa ittipaqi emeldarliri özlirining tashqi siyasettiki musteqilliqini tekitlisimu, biraq prézidént baydén wezipige olturghandin buyan özlirining halqiliq mesililerde amérika bilen bir meydanda ikenlikini ipadilimektiken. Xewerde, yawropa ittipaqining xongkong toghrisidiki bir mexpiy höjjiti tilgha élinip, uningda xitaygha bésim qilish üchün amérika we bashqa ittipaqdash döletler bilen téximu yaxshi hemkarlishish telep qilin'ghanliqi tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet